Гiсторыя Мокрава

У 1493 г. Мокраць — сяло маёнтка Лахва, уласнасць Пятра Янавіча Мантыгірдавіча — троцкага ваяводы. У 1589 г. Мокрава — сяло маёнтка Лахва, уласнасць каталіцкай царквы. У 1785 г. Мокрава — сяло маёнтка Лахва, 64 двары. У 1795 г. — 70 двароў.

Георгіеўская царква.

Пабудавана ў 1782 г. Па апісанні 1864 г., адносіцца да 7-га класа, драўляная. Штатнага жалавання прычту 140 рублёў срэбрам, зямлі пры царкве 1,5 валокі, сенажацяў — на 80 вазоў. Прыхаджан мужчынскага полу 236 і жаночага 266 душ, прастол у імя святога вялікапакутніка Георгія, пабудавана прыхаджанамі.

Па апісанні 1879 г., мае выгляд роўнабаковага крыжа, з адным адкрытым купалам, вокны ў адзін рад, уваходныя дзверы адны, дах гонтавы, не пафарбаваны. Будынак яшчэ даволі трывалы. Унутраная плошча — каля 20 кв. сажняў. Падлога драўляная, столь устроена званападобна да адкрытага купала. Да ацяплення цар-ва не прыстасавана. Алтар і салея без узвышша. Дашчаты, старога ўстройства іканастас пафарбаваны ў чырвоны колер, з пафарбаванымі карнізамі і рамамі, складаецца з 13 нізкай вартасці пісьма ікон, размешчаных у тры рады. Царкоўны посуд маецца ў дастатковай колькасці: з іх 2 прыборы літургійных сасудаў з срэбра, астатнія — з апліке маскоўскай работы. Аблачэнняў маецца 6 прыбораў, вырабленых з мішурнай парчы. Евангелле адно, у 1/8 долю аркуша, у суцэльным металічным вокладзе. Метрычныя кнігі, прыходскія спісы і іншыя царкоўныя дакументы захоўваюцца з 1819 г. Захоўваецца таксама копія з завяшчаннем 1759 г. на царкоўны фундуш, які пакінуў князь Міхаіл Радзівіл. У званіцы, пабудаванай асобна, маецца 4 званы: у 5,3; 0,5; 2 і 1,5 пуда. Царкоўны пагост абнесены простаю агароджай. Могілак у прыходзе тры і дзве могілкавыя царквы: у вёсках Сінкевічы і Сітніца — абедзве драўляныя, маюць званы і некаторы царкоўны посуд.

У склад прыхода, акрамя Мокрава, уваходзяць Сінкевічы, Сітніца, Рудня і Земліца, апошняе паселішча знаходзіцца ў 10 вёрстах ад царквы. Прыхаджан абодвух полаў 1118 душ, усе яны сялянскага саслоўя, акрамя земляробства, займаюцца пчалярствам і рыбалоўствам. З асаблівых малітвасловаў адбываюцца хрэсныя ходы па вёсках.

Прычт складаецца з настаяцеля — з 1867 г. тут быў Васіль Чыстоўскі — і псаломшчыка.

Даход царквы да 60 рублёў у год. Акрамя штатнага жалавання, прычт карыстаецца царкоўнай зямлёй і памяшканнем. Земляў 4 дзесяціны прысядзібнай (яна размешчана пры прыпісной Сінкевіцкай царкве, у 1-ай вярсце ад самастойнай), 50 — ворыўнай, 30 — сенажаці, 1 — лес, уся яна раскіданаў 30 асобных участках. Плана і межавай кнігі няма, але валодае гэтай зямлёй прычт без перашкод. Хата свяшчэнніка старая, на сродкі прыхаджан будуецца новая. Пры царкве існуе царкоўнапрыходскае папячыцельства і такая ж школа, якая, дарэчы, адчыняецца толькі зімой, пераважна ў чатырадзесятніцу, а таму яе поспехі невялікія і пісьменнасць у прыходзе амаль непрыкметна. Багадзельні няма.

Царква згарэла ў 80-ыя гады XX ст.

Комментарии   

 
0 #2 Тутэйшы 03.07.2017 16:50
Цитирую Наталья Ивановна Лял:
добрый день. откуда такие сведения - что Георгиевская церковь в синкевичах сгорела? Лна существует до сих пор. Или это другой храм?У меня есть сведения очевидцев, что сгорела Свято-Покровская церковь в Мокрово, ее поздней восстановили...

Данная информация была взята с книги Памяти Лунинецкого района.Будем рады если вы поможете исправить неточности. Кстати, сейчас работаем над новым сайтом и переносим туда всю информации. Может вам будет интересно. http://tutejszy.ru/brestskaya/luninetskij/sinkevichi/7-iz-istorii-sinkevich
 
 
0 #1 Наталья Ивановна Лял 03.07.2017 16:13
добрый день. откуда такие сведения - что Георгиевская церковь в синкевичах сгорела? Лна существует до сих пор. Или это другой храм?У меня есть сведения очевидцев, что сгорела Свято-Покровска я церковь в Мокрово, ее поздней восстановили...
 

YУ вас недостаточно прав для добавления комментариев.
Возможно, вам необходимо зарегистрироваться на сайте.

Additional information